திருக்குரானும் இயேசுவும்

'இயேசுவைப் பற்றி திருக்குரானில் கூறப்பட்டிருக்கிறது' என கிருஸ்தவ போதகர்கள், முஸ்லிம்களிடையே பிரச்சாரம் செய்து வரும் இந்நாட்களில், இயேசுவை பற்றியும் இக்கால கிறிஸ்தவர்களின் நம்பிக்கைப்பற்றியும் திருக்குர்ஆன் என்ன கூறி இருக்கிறது என்பதை தெளிவுபடுத்தி அது எந்த வகையில் பைபிளுடன் ஒத்துப்போகிறது என்பதை விளக்கிட விரும்புகிறோம்.

"எல்லாவற்றையும் சோதித்து பார்த்து நலமானதைப் பிடித்துக் கொள்ளுங்கள்" (1 தெசலோனி 5:21) என்ற பைபிளின் போதனைக்கிசைய இக்கருத்துக்களை கிருஸ்தவ நண்பர்கள் நடு நிலை நின்று ஆராய்ந்து உண்மையெனக் கண்டவற்றை உளமார ஏற்றுக்கொள்ள வேண்டுகின்றோம்.

இயேசுவைப் பற்றித் திருக்குர்ஆன் "அவர் இஸ்ரவேலர்களுக்காக வந்த ஓர் இறைத் தூதர்" (ஆல-இம்ரான் : 50) என்கிறது. திருக்குரானின் இந்தக் கருத்தை பைபிளில் காணப்படும் இயேசுவின் வார்த்தைகள் எவ்வகையிலும் மறுக்கவில்லை. மாறாக, இயேசு கூறுவதை பாருங்கள், காணாமற்போன ஆடுகளாகிய இஸ்ரவேல் வீட்டாரிடத்திற்கு அன்ப்பப்பட்டேனேயன்றி, மற்றபடியல்ல" (மத்தேயு 15:24) தாம் இஸ்ரவேலர்களுக்காக மட்டும் அனுப்பப்பட்ட ஒரு தீர்க்க தரிசி என்பதை இவ்வார்த்தைகள் மூலமாக இயேசு தெளிவுபடுத்துகிறார். ஒன்றான மெய் தேவனாகிய உம்மையும் நீர் அனுப்பினவராகிய இயேசு கிறிஸ்த்துவையும் அறிவதே நித்திய ஜீவன்" (யோவான் 17:3) என்ற வார்த்தைகளும் இயேசு இறைவனால் அனுப்பப்பட்ட ஒரு தீர்க்கதரிசிதான் என்பதை உறுதி செய்கின்றன.

குர்ஆனில் கைவைத்து தனது உள்நோக்கத்தை வெளிப்படுத்திய கீழ்தரமான ஆலிம்களின் செயல்

அஹ்மதிய்யா முஸ்லிம் ஜமாத்தை சார்ந்தவர்கள் ஆண்ட்ராய்டு மற்றும் ஐஃபோனிற்காக வெளியிட்ட குர்ஆன் மென்பொருளில் இல்லாத எழுத்துக்களை சேர்த்துள்ளார்கள் என்று எதிரிகள் இப்போது புது பொய் புரளியை பாமர மக்கள் முன் பரப்பி அஹ்மதிய்யா முஸ்லிம் ஜமாத்திற்கு எதிராக அவர்களை தூண்டி வருகின்றனர். சூரா ஆலி இம்ரானின் 7 வசனத்தில் "பில் ஹக், பில் ஹக், பில் ஹக்" என்று இல்லாத ஒரு சொல்லை இந்த காதியானிகள் தனது குர்ஆனில் சேர்த்துள்ளார்கள் என்பதே இந்த பொய் பித்தலாட்டம் செய்து தனது பொழப்பை நடத்தும் கீழ்தரமான ஆலிம்களின் செயலாகும். உண்மை எது என்பதை கீழே உள்ள படத்தை பார்த்து அறிந்து கொள்ளவும்: